Vise Prezidente PN husi partidu KHUNTO, Luis Roberto dehan, vise Prezidente PN na’in rua hein hela apoiu ofisial husi maioria deputadu atu bele lidera meza PN bainhira Prezidente PN Arão Noe tauk no lakohi ajenda rekerimentu destituisaun ba meza PN.
VIDEO PUBLISIDADE APELU HUSI PM TAUR APLAUS BA FRONT LINE
"PN ne'e desizaun koleziál, signifika Prezidente PN ne'e hili husi deputadu sira ne'ebé eleitu iha PN, to’o maioria mak nia ba tuur iha leten, entaun nia iha dever moral ida par responsabliza ba ida ne'e," dehan Luis Roberto iha PN, Tersa (12/05).
Tan ne’e, nia hatutan, bainhira Prezidente PN kontinua abandona maioria deputadu nia hakarak, deputadu sira bele hola inisiativa hodi fó konfiansa ba vise Prezidente PN na’in rua ka deputadu balun hodi dirije meza.
PUBLISIDADE
"Se Prezidente PN abandona nafatin, fila fali ba bankada rekerente sira, entaun oinsa mak atu halo funsionamentu ba PN, entaun fila fali ba maiória deputadu par bele fó fila konfiansa ba vise (Prezidente PN) na'in rua ka deputadu ne'ebé mais avansadu par dirize meza," dehan Luis.
Tan ne’e, nia afirma, nu’udar Vise Prezidente PN, nia hein hela apoiu husi maioria deputadu iha PN hodi bele lidera meza PN.
"Vise na'in rua mós iha ne'e hela, ne'ebé ha'u fiar katak vise na'in atu lidera korum ruma tenke liu husi dalan legal ida ne'ebé mai husi desizaun koleziál maioria deputadu iha PN."
PUBLISIDADE
