Deklarasaun Bankada FRETILIN ne’e hodi hatan hanoin husi Bankada CNRT ne’ebé husu ba Prezidente Repúblika Francisco Guterres Lu Olo atu bolu partidu politiku boot rua, FRETILIN ho CNRT, ne’ebé hetan votus barak liu iha eleisaun antesipada, hodi tuur hamutuk.

Lee mós: Hafoin Keixa ba TR, Bankada CNRT husu PR Lu Olo nia “Laran Luak”

Ba kestaun ne’e, Prezidente Bankada FRETILIN Aniceto Guterres dehan, bainhira hakarak hakotu impase politika iha TL, presiza mós konsidera partidu politiku sira seluk.

"Bankada halo desizaun partidu nian, ne'ebé depende ba desizaun partidu ida-idak, mais hakarak hakotu impase polítika mais partidu seluk ita la konsidera ne'e halo nusa. Hakarak konsensu ka oinsa, ne'e tenke konsidera partidu sira seluk," deklara Aniceto iha Parlamentu Nasionál, Tersa (05/05).

VIDEO PUBLISIDADE APELU HUSI PM TAUR APLAUS BA FRONT LINE

Kona-ba hanoin husi Bankada CNRT atu PR Lu Olo bolu partidu FRETILIN ho CNRT tuur hamutuk, Aniceto hatete, to’o ohin seidauk iha orientasaun ruma husi partidu ba asuntu refere.

"Di'ak liu nivél partidu politika sira mak kontaktu malu, ne'ebé opiniaun bankada nian ne'e hala'o desizaun partidu nian, ne'ebé seidauk iha orientasaun ha'u lakohi pronunsia buat ruma," dehan Aniceto.

Maske nune’e, Aniceto dehan, bainhira partidu deside, nu’udar reprezentante partidu iha PN, sira prontu atu halo tuir.

"Bainhira partidu deside ona, ami tuir, maibé seidauk, ami labele komenta sasan sira hanesan ne'e, ne'ebé hein de'it lideransa partidu," dehan Aniceto.

PUBLISIDADE