AMP Foun Adia Hatama Petisaun ba TR Kontra PR Lú-Olo

Advogadu Manuel Tilman la'o husi Prezidente CNRT nia kotuk hakat ba Meza Konferensia Imprensa iha loron Kinta Feira, semana kotuk (30/4) Advogadu Manuel Tilman la'o husi Prezidente CNRT nia kotuk hakat ba Meza Konferensia Imprensa iha loron Kinta Feira, semana kotuk (30/4) Foto Tempo Timor

Tempotimor (Dili) - Karta petisaun inisiál ne'ebé Aliansa Maioria Parlamentár (AMP), kompostu husi Partidu CNRT ho nia aliadu sira ne'ebé fó sai, iha Kinta Feira (30/4), atu entrega ba Tribunal Rekursu, iha Segunda (4/5), la konsege tanba sei kompleta dokumentu balun.


Iha loron Segunda feira Lokraik tuku 14.00 OTL ne'e jornalista sira nadodon ba hein iha resintu Tribunal Rekursu (TR) iha kaikoli Dili maibe hafoin hein oras liu la iha sinal ruma nune'e midia sira koko kontaktu ho advogadu ba kazu ne'e.

Hataan ba mudansa loron hodi entrega petisaun ne'e, advogadu privadu AMP foun, Manuel Tilman hateten, dokumentu barak loos, ne'e duni sei presiza haree didi'ak hodi kompleta.

"Aban (Tersa, 5 Maiu 2020), tuku 9:00 dadeer otl, ha'u iha ne'ebá ona. Ohin la konsege entrega tanba ami-nia dokumentu barak loos, seidauk to'o metade, ne'ebé aban mak imi haree de'it dokumentu ne'e hira," dehan nia, Manuel Tilman, ba www.tempotimor.com, via telefone, Segunda (4/5).

VIDEO PUBLISIDADE APELU HUSI PM TAUR APLAUS BA FRONT LINE



Entretantu, oráriu ne'ebé AMP fó sai iha konferénsia imprensa iha sede Partidu CNRT Bairru dos Grilos katak, Segunda (4/5), no informasaun seluk katak iha tuku 15:00 otl sei entrega ba Tribunál Rekursu.

Maibé la konsege tanba dokumentu barak seidauk hotu, nune'e sei entrega fali petisaun AMP nian iha loron tersa (5/5).

Petisaun ne'e atu husu Tribunál Rekursu nian deklarasaun ba desizaun Prezidente Repúblika (PR), Francisco Guterres Lú-Olo, ne'ebé AMP foun konsidera viola Konstituisaun. (*)

PUBLISIDADE

Rate this item
(1 Vote)
Last modified on Saturday, 09 May 2020 14:02
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2020 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Tempo Timor Networks