Tuir informasaun, Bakada tolu, FRETILIN, PLP no KHUNTO prepara ona mosaun destituisaun ba meza Parlamentu Nasionál (PN) hodi troka Prezidente Parlamentu Nasionál.
"Ha'u hanoin buat ne'e sei hanesan issu-issu de'it, seidauk iha buat formal ida ne'ebé ha'u lakohi fó komentáriu, maibé se aprezenta iha semana ida ne'e pois ita haree," dehan Vise Prezidente bankada CNRT Patrocino dos Reis iha Parlamentu Nasionál (PN), Segunda (04/05).
Nia afirma, maske rejimentu fó dalan, maibé nia parte lakohi fó komentariu tanba seidauk iha informasaun formal ruma.
VIDEO PUBLISIDADE APELU HUSI PM TAUR APLAUS BA FRONT LINE
"Ha'u konsidera hanesan rumor de'it, entaun ha'u lakohi fó komentáriu, tanba to'o agora laiha informasaun formal ruma, entaun ita ba halo komentáriu ba buat ne'ebé la akontese ne'e ita atu ko'alia saida, tanba ne'e rumor de'it," nia dehan
Entretantu, Prezidente bankada PLP Francisco Vasconcelhos hatete, semana ida ne'e sei aprezenta mosaun destituisaun ba meza Parlamentu Nasionál.
"Hodi hatán no apoiu ba VIII governu, ne'e tenke halo mudansa iha meza parlamentu duni. Ne'ebé semana ida ne'e ita aprezenta mosaun destituisaun ba meza PN," dehan Vasconcelhos.
Nia afirma, argumentu ne'ebé atu propoin iha mosaun destituisaun ba meza PN ne'e mak halo mudansa postural polítika no konjuntura polítika,
PUBLISIDADE