Print this page

Bankada PLP: CNRT ho Aliadu iha Direitu Lori PR Lu Olo

Plenaria Parlamentu Nasional Plenaria Parlamentu Nasional Foto File Screen shot TVTL

Tempotimor (Dili)-Prezidente Bankada Partidu Libertasaun Popular (PLP) Francisco Vasconcelhos deklara ema hotu-hotu iha direitu atu lori Prezidente Republika (PR) ba tribunal bainhira PR komete krime ka violasaun ruma.

Nia dehan, ema hotu-hotu iha direitu, inklui mos partidu politiku sira atu lori PR ba tribunal.

"Konsta iha konstituisaun no rejimentu Parlamentu Nasionál nian fó dalan katak, kualker see de'it, Parlamentu ka, sira bele lori desizaun Prezidente Repúblika (PR) nian ba tribunal, tanba ne'e sira-nia direitu," dehan Vasconcelhos iha Parlamentu Nasionál (PN), Segunda (04/05).

Tuir nia, bainhira hakarak buka lia loos, dalan di'ak mak lori ba tribunal, duke rona deklarasaun no opiniaun ema balun ne'ebé kontaminadu ho politika.

"Hakarak buka lia loos mak ba tribunal, duké rona ema interpreta tuir sira-nia hakarak, entaun últimu rekursu ka kontestasaun ba para hotu iha tribunal, par tribunal mak halo desizaun."

VIDEO PUBLISIDADE APELU HUSI PM TAUR APLAUS BA FRONT LINE

 

 

 

"PLP respeita ema hotu-hotu nia desizaun, tanba ida ne'e liberdade espersaun no liberdade aprezenta petisaun ba tribunal, ne'ebé kontesta lei ka desizaun ruma bele lori ba tribunal, ne'e aktu normál," Vasconcelhos dehan.

Bazeia ba jurista balun ne'ebé dehan, atu lori PR ba tribunal tenke liu husi PN, Vasconcelhos dehan, hanesan partidu politika presiza liu husi PN.

"Ne'e partidu ida, blok ida la liu husi PN, karik sira-nia deputadu sira iha ne'e mak hakarak ne'e rejimentu fó dalan, maibé deputadu sira mak aprezenta petisaun mós lei fó dalan," nia dehan.

Tuir nia, CNRT ho nia aliadu sira lori PR ba tribunal ne'e hanesan lisaun ida ba ema hotu.

"Ida ne'e hanesan lisaun aprendizajen ida ba ema hotu, katak ita labele interpreta konstituisaun ita-nia hakarak, ne'ebé buka lia loos ne'e tenke lori ba tribunal par tribunal mak halo interpretasaun. Ne'ebé orsida ita sei haree kordaun tribunal nian, ne'ebé ita labele pronunsia buat ruma kona-ba kompeténsia orgaun soberania ninian," nia dehan.

PUBLISIDADE

Rate this item
(0 votes)
Last modified on Saturday, 09 May 2020 14:05
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items