Liuhusi sala situasaun kona-ba pandemia Coronavirus Disease 2019 (Covid-19), Rui Maria de Araujo, lori Sentru Integradu ba Jestaun Krize fó parabens ba jornalista iha Timor-Leste laran tomak.
"Nasaun hakarak hato'o parabens ba ita boot (jornalista) sira-nia loron, agradese ita boot sira-nia servisu, durante periodu ne'e," dehan Rui, iha Sentru Konvensaun Dili (CCD), Sábadu (2/5).
VIDEO PUBLISIDADE APELU HUSI PM TAUR APLAUS BA FRONT LINE
"Hanesan diseminasaun informasaun ne'ebé ita boot sira halo ba públiku, ajuda teb-tebes esklarese ba públiku. Ajuda tebes hodi hamenus inserteza situasaun pániku iha sosiedade," dehan nia.
Maski nune'e, Eis-Primeiru Ministru VI Governu ne'e mós apela ba jornalista sira atu hatudu nafatin profesionalizmu iha tranzmisaun informasaun.
"Ita hotu hatene katak durante pandemia Covid-19 ne'ebé mundu tomak enfrenta notísia falsu ka lia-falsu, lia bobar sira ne'e asvezes naklekar hada'et lalais liu fali virus. La'ós de'it média sosiál, maibé mós média konvensionál sira," nia tenik.
Nee duni, Rui husu jornalista sira atu verifika uluk fonte informasaun hafoin públika informasaun ba sosiedade. (*)
PUBLISIDADE