Duarte dehan, CNRT hakarak kontinua estadu emerjensia maibé lei ba estadu emerjensia la premite.
Tuir nia, lei estadu emerjensia hanesan momentu akontese iha 2008, lei apropriadu ba akontesimentu atual mak lei pandemia, tan ne'e presiza tau hanoin hamutuk.
Nia dehna, bankada CNRT nia hakarak ba medidas ne'ebé atu foti mak halo lockdown ba munisipiu tolu hanesan Covalima, Bobonaro no Oekusse tanba sira iha liña fronteira ho Indonezia.
Prezidente Bankada ne'e hatutan, importante mós atu tau atensaun ba infra-estrutura baziku saude nian ne'ebé adekuadu hanesan mediku, kuarentena no fatin izolamentu, iha munisipiu tolu refere.
Maske nune'e, Prezidente Bankada ne'e deklara, Bankada fó liberdade ba kada deputadu CNRT atu vota tuir idaidak nia konsensia.
"Lei ne'e importansia, karik agora ne'e pedidu ne'e passa, mais sei la halo fulan-fulan to'o bainhira de'it, tanba ami labele halo mudansa, ha'u hanoin Bankada sei fó liberdade ba kolega deputa husi bankada vota tuir idaidak nia konsensia," dehan Duarte plenaria, Segunda (27/04).