Tempotimor (Dili)-Sidadaun Timor-Leste na'in lima ne'ebé livre ona husi Corona Virus Deasses 2019 (Covid-19), iha sabado lokraik sai ona husi fatin izolamentu Sentru Saúde Vera Kruz hodi muda ba kuarentena obrigatoriu ne'ebé governu prepara.

Bazeia ba informasaun ne'ebé www.tempotimor.com hetan katak, sidadaun na'in lima ne'ebé livre ona husi Covid-19 seidauk fila ba uma atu mediku sira bele kontinua observa sira-nia kondisaun molok haruka sira fila ba familia.

<iframe width="560" height="315" src="https://www.youtube.com/embed/RMogPGXxevE" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>

"Sira na'in lima ne'e seidauk ba liu familia sira, maibé sira sei ba iha Hotel..., iha ne'ebá durante loron balun, tuir loloos ne'e semana ida, maibé kuandu ita haree mak di'ak loloos ona loron rua ka tolu hanesan ne'e sira bele ba ona uma," dehan pesoál saúde ida ba www.tempotimor.com, Sábadu (25/04).

Tuir observasaun jornalista www.tempotimor.com iha fatin izolamentu Vera Kruz nota katak, mediku sira akompaña ema na'in lima, feto tolu no mane rua, hodi tula sai sira ba hotel ne'ebe governu prepara ona.