Uza Covid 19, PD Ezije Taur 'Fahe' Poder Ho Xanana

Portavoz AMP, Antonio da Conceicao Kalohan, iha Palasiu Prezidensial wainhira ba hatama pedidu de enkontru no karta indizitasaun sr. Xanana Gusmao ba Primeiru Ministru IX Governu (10/3) Portavoz AMP, Antonio da Conceicao Kalohan, iha Palasiu Prezidensial wainhira ba hatama pedidu de enkontru no karta indizitasaun sr. Xanana Gusmao ba Primeiru Ministru IX Governu (10/3) Foto Arkivu

Tempotimor (Dili) - Hafoin fulan tolu AMP foun koko hadau poder seidauk konsege, agora Portavoz AMP, Antonio da Conceição ezije Primeiru Ministru, Taur Matan Ruak, fahe poder ho Primeiru Ministru Indizitadu husi AMP foun, Kay Rala Xanana Gusmão. 

Bankada Demokrátiku (PD) ne'ebe hola parte iha koligasaun AMP foun husu VIII Governu Konstitusionál atu envolve lidér nasionál sira, liuliu Xanana Gusmão, iha kombate surtu Coronavirus Disease 2019 (Covid-19), iha Timor-Leste.

Prezidente Bankada PD no Portavoz AMP Foun, António da Conceição katak, planu atu estende Estadu Emerjénsia governu tenke envolve lider nasionál sira hodi garante ba populasaun sira.

Entretantu Bankada PD mós aprezenta proposta oinsa governu estabelese Konsellu Nasionál hodi envolve Xanana, Marí no Horta iha kombate Covid-19.

Estabelesimentu Konsellu Nasionál ne'e atu fó konfiansa ba lideransa na'in tolu atu halo servisu.

"Kriasaun Konsellu Nasionál nee, atu Primeiru Ministru atu tau fiar ba Xanana Gusmão hodi koordena atividade ba kombate surtu Covid-19, servisu asistensia sosiál no mós seguransa ligadu kombate Covid-19", dehan nia, iha Plenária PN, Tersa (21/4).

PD mós husu governu atu nomeia Ramos Horta atu halo kampaña internasionál.

Nune'e, Marí Alkatiri hodi envolve iha planu médiu ba dezenvolvimentu nasaun nian.

Proposta ne'e Bankada PD aprezenta hodi tulun governu hala'o nia responsabilidade servi nasaun no serví povu. (*)

 

Rate this item
(1 Vote)
Last modified on Tuesday, 21 April 2020 17:28
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2020 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Tempo Timor Networks