Login to your account

Username *
Password *
Remember Me

Timor-oan iha Kuarentena ne'ebé Ulun Toos

Bis tula Timor oan sira ne'ebe durante ne'e okupa iha Hotel ida iha Dili Laran lori ba tasi tolu (19/4) Bis tula Timor oan sira ne'ebe durante ne'e okupa iha Hotel ida iha Dili Laran lori ba tasi tolu (19/4) Foto Januario Varela

Tempotimor (Dili)-Timor-oan sira ne'ebé mai husi rai li'ur no hela iha kuarentena obrigatoriu hatudu sira-nia ulun toos hodi la kumpre regras ne'ebé hatuur atu evita Corona Virus Deasses 2019 (Covid-19) daet ba ema seluk.

Tuir autoridade seguransa ida ba www.tempotimor.com, nia parte vizita ona Timor-oan sira iha kuarentena hodi esplika kona-ba regras ne'ebé iha no husu atu sira kumpre, maibé realidade sira lakohi kumpre.

Realidade ne'e hamosu preokupasaun boot, tanba bainhira iha na'in ida mak pozitivu Covid-19 no seidauk halo teste bele hadaet virus ne'e ba ema sira seluk.

Ezemplu ida mak hatudu ona iha Hotel Katuas. Ema na'in 17 ne'ebé durante ne'e hela iha otel refere konfirmadu pozitivu Covid-19.

Tanba, tuir esplikasaun husi Sentru Media Covid-19, defenisaun kontatu tuir Organizasaun Mundial Saude katak ema ne’ebé iha kontaktu besik ho kazu pozitivu loron 2 antes to’o loron 14 hafoin ema pozitivu ne’e hetan sintomas iha risku boot hetan daet.

HARE MOS VIDEO : <iframe width="560" height="315" src="https://www.youtube.com/embed/p83FvXio-P0" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>

Tan ne'e, autoridade ne'e hatete, ema sira ne'ebé hela iha kuarentena presiza kumpre regras hirak ne'ebé iha hodi bele hasees an.

Iha fatin ketak, Portavoz Sentru Integradu Jestaun Krize (SIJK) Odete Viegas rekoñese katak Timor-oan sira ne'ebé hela iha kuarentena la kumpre regras balun ne'ebé estabelese.

Odete dehan, ida ne'e rekoñese rasik husi sira ne'ebé durante ne'e hela iha kuarentena.

Maske nune'e, Odete hatutan, sira nafatin hato'o gratidaun ba parte hotu-hotu nia esforsu tomak, ne'ebé suporta ona sira durante sira hela iha kuarentena hodi kumpre períodu inkubasaun durante loron 14.

"Sira rekoñese katak iha buat balun sira la kumpre, maibé sira agradese mós ba esforsu governu nian, sosiedade tomak, konvisaun relijiozu sira ne'ebé durante ne'e bele mós apoiu sira atu sira bele kontinua nafatin hala'o sira-nia knaar, hanesan ema ne'ebé mak iha fatin kuarentena," dehan Odete iha Sentru Konvensaun Díli, Domingu (19/04).

Rate this item
(0 votes)
Last modified on Sunday, 19 April 2020 23:42
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter