"Ami haree took, se situasaun ne'e, mak ladun iha obidiensia ba regras estadu emerjénsia maka iha posibilidade sei aumenta médida regras ninian ho pezu para obriga ema kumpri regras sira ne'e," dehan Portavoz SIJK Dr. Sergio Lobo iha sala situasaun ba jornalista sira, Sábadu (18/04)
Nia afirma, presiza regras ne'ebé rigór tanba informa no sensibiliza mós ema balun lakohi kumpri.
"Agora ita sendlsibiliza no informa de'it ema barak la rona, tanba ne'e ita presiza tau regras forte para sira halo tuir," dehan Dr. Lobo
Entretantu observasaun tempotimor.com nian iha terenu katak, maske governu sensibiliza regras estadu emerjénsia nian liuhusi meiu oioin, maibé komunidade balun inklui instituisaun balun mós la fó valór ba regras ka médida sira ne'ebé governu fó sai relasiona ho estadu emerjénsia nian