Babo : MNEK no SIJK Sei Halo Video Konferénsia ho Embaixadór Sira

MNEK Dionisio Babo Soares ko'alia ba Midia sira iha CCD (13/4) MNEK Dionisio Babo Soares ko'alia ba Midia sira iha CCD (13/4) Foto Isac Oliviera

Tempotimor (Dili)-Ministériu Negósiu Estranjéiru no Kooperasaun (MNEK) hamutuk ho Sentru Integradu ba Jestaun Krize (SIJK) Sei hala'o video konferénsia ho embaixadór sira iha rai liur atu bele servisu komunika no koordena nafatin servisu.

"Enkontru ida ohin ne'e atu halo video konferénsia, ne'e primeira vez ita halo ho embaixadór sira hotu, organizasoens Internasionál sira nasoens unidas nian para koordena servisu hamutuk liuhusi SIJK, hodi haree ba dezenvolvimentu Covid-19 nian iha ita nia rai," dehan Ministru MNEK Dionísio Babo iha Sentru Konvensoens Dili (CCD) Merkadu Lama,  Segunda (13/04/2020)

Babo dehan, embaixadór sira  fo resposta pozitivu ona relasiona ho video konferénsia ne’e.

"Resposta husi embaixadór sira ne'e pozitivu tebes, kona-ba kontrolu no servisu ne'ebé durante ne'e sira akompaña," dehan Babo

Nune'e mos, Xefe diplomata Timoroan nian ne’e dehan, bainhira sidadaun sira ne'ebé sai ona husi kuarentena governu sei buka meiu hodi tau matan.

"Ita halo kontrolu mos ba maluk sira ne'ebé sai tiha ona husi ne'e (kuarentena), e sira to'o tiha iha sosiedade mak mosu fali moras,” nia relata.

Rate this item
(0 votes)
Last modified on Monday, 13 April 2020 14:36
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.