Tempo Timor - President Republika ne’ebe mos hanesan Komandante supremo das FALINTIL Forsa de Defeza Timor Leste, Francisco Guterres Lú Olo, estende ona mandatu Xefe Estadu Maiór FALINTIL Forsa Defeza Timor-Leste, Majór Jeneral Lere Anan Timur to’o iha 2020.
“Ha’u nomeia tiha ona. Nia mandatu sei to’o iha 2020. Ne’e imi lalika dúvida tán", dehan nia, iha Palásiu Nobre Lahane, Sesta (8/2).
Desizaun ne'e haruka ona ba Governu, fulan rua resin ona. Ne'e duni parte Governu iha koñesimentu kona-ba desizaun ne'e.
Xefe Estadu hatutan, estende mandatu Majór Lere niab to’o 2020 tanba lei mak haruka estende to’o tinan haat.
Nune'e, Jeneral Lere kumpre ona tinan rua, entaun falta tinan rua para halo kompleta.
Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.
Jornalista Jornal Tempo Timor, bandu atu hetan envelope ka sasan ruma husi fontes informasaun sira.
www.tempotimor.com
Error: No articles to display
.
