Kareta ambulansia ho lampu sirene piska-piska ne'ebé hala'o vizita ba Hotel Katuas ne'e, bainhira to'o iha ne'ebá hakiduk tama ba aredór entre Hotel Katuas no Hotel Discovery Inn dala rua, hafoin minutu balun sai no halai fali ba estrada Prezidente Nicolao Lobato ba diresaun Palásiu Governu nian.
Entretantu iha Sexta Feira (10/4), autoridade sira informa ona katak, iha Sábadu (11/04) ekipa Sentru Integradu ba Jestaun Krize (SIJK) Covid-19 hamutuk ho Ministériu Saúde (MS) no Organizasaun Mundiál ba Saúde (OMS) rega dezinfekta ba estrada no Otel katuas, hafoin hasai amostra husi timor-oan na'in 37 no pesoál sira ne'ebé hala'o servisu iha fatin refere, hodi ba halo teste, iha laboratoriu atu hatene nia rezultadu.
Hafoin loron ida teste masal ba Timoroan sira mak kuarentena iha hotel Katuas, Tuir observasaun Tempotimor.com iha tereñu, Domingo kalan ambulansia ida tama areador Otel Katuas dala rua maibe dala ida tempotimor.com konsege hare ambulansia refere tula sai timor-oan ida, halai ba diresaun Palásiu Governu nian.
Bainhira tempotimor.com koko atu konfirma ba parte kompetente kona ba karik ambulasia refere karik tula ema ruma husi kuarentena ba sentru saude Vera Cruz, maibé ho diplomasia Autoridade ne'e dehan, “rezultadu sei fó sai ofisialmente liu husi Konferénsia ba Imprensa iha Sala de Stuasaun tuir oráriu ne'ebé marka ona, tuku 15:00 otl, iha (CCD) merkadu Lama.”