Print this page

Autoridade TL Dizinfekta Estrada, Hotel Katuas no Halo teste ba Timoroan 37

Avenida Prezidente Nicolao Lobato taka nune'e asesu liuron ba Otel Discovery Inn ho Otel Katuas mos taka ba Publiku (11/4) Avenida Prezidente Nicolao Lobato taka nune'e asesu liuron ba Otel Discovery Inn ho Otel Katuas mos taka ba Publiku (11/4) Foto Isac oliviera

Tempotimor (Dili)-Relasiona ho timor-oan ida ne'ebé pozitivu ona, corona virus deasses 2019 (Covid-19) ne’ebe antes ne’e kuarentena  iha Hotel Katuas, hamutuk ho Timoroan nain 37 seluk, autoridade Timor nian hamutuk ho Organizasaun Saude mundial, iha sabado mais ou menus 11:15 halo dizenfekta ba avenida Prezidente Nicolao Lobato ate mai to’o palasiu do governu depois sei hasai amostra husi sira ne’e sei iha hotel refere atu ba teste.

Tuir autoriedade ida ne'ebé iha Ministériu Saúde (MS) ba tempotimor.com ne'ebé husu atu labele publika nia naran, katak timor-oan na'in 37 ne'ebé sei hela iha kuarentena Hotel Katuas sei la sai, bainhira teste seidauk fó nia rezultadu.

“Los ohin ne’e ita dizenfekta dalan no Ita sei hasai sampel kolega na’in 37 iha hotel ne’e depois lori ba teste. Ami mos fó ona orientasaun ba sira ne'ebé hela hamutuk ho alin ne’ebe pozitivu Covid-19 iha kuarentena ne'e obrigatoriamente hela metin iha ne'ebá to'o hasai hotu sira nia amostra para teste hotu, mak ita haree," dehan autoriedade ne'e ba tempotimor.com via telefone, Sabadu (11/04/2020)

Entretantu tuir observasaun tempotimor.com nian iha terenu nota katak, estrada husi kruzamentu burger Kin taka ba publiku hahu husi Sábadu dader, so bele asesu deit ba parte Ministériu Saúde ba Hotel Katuas no sira ne’ebe hahú rega aimoruk dezinfekta ba liuron Prezidente Nicolao Lobato ho Hotel Katuas fatin ne’ebe antes ne’e kuarentena Timoroan feto ida maka muda ona ba izolamentu iha Vera Cruz iha loron Sexta (10/4).

Nia esplika, ”Timor-oan sira ne'e Kuarente hamutuk iha Hotel Katuas hamutuk na'in 38, nune'e ida pozitivu ona, hela na'in 37 mak sei iha kuarentena, maibé parte saúde no seguransa mantein kontrolu atu labele sai," dehan autoriedade ne'e.

Ministériu Saúde (MS) ho SIJK orienta ona timor-oan na'in 37 ne'ebé molok ne'e kuarentena hamutuk ho ida seluk afetadu ona, obrigatoriamente hela metin iha kuarentena to'o teste hatudu rezultadu. Iha Parte seluk dr. Sergio Lobo membru importante ida husi Sentru Integradu Jestaun de Krize konfirma katak, "Timoroan 37 maka iha Kuarentena Hotel Katuas sei hasai sampel hodi ba teste."

Rate this item
(0 votes)
Last modified on Tuesday, 14 April 2020 08:06
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items