Pe. Júlio: "Politika Labele Impata Luta Covid-19"

Padre Julio Crispin Belo Padre Julio Crispin Belo Foto File

Tempotimor(Dili)-Iha situasaun pandemia Covid-19 ne'ebé fó ameasa ba mundu, inklui Timor-Leste, presiza ema hotu-hotu nia kontribuisaun hodi luta hasoru pandemia ne'e, la'os buka oportunidade hodi hatuun no fó sala ba malu.

Jurista no observadór politika, Padre Julio Crispin hatete, iha situasaun ohin loron loloos Timor-oan, lider nasional, inklui politiku sira hakmatek no hamutuk kombate Covid-19.

Tuir nia, daudauk ne'e politikamente politiku na'in sira hahú book malu.

Nia fó ezemplu kona-ba reasaun balun husi AMP bainhira PM Taur demite eis Vise Ministra Saúde Elia dos Reis Amaral.

"Iha estadu emerjensia la devia akontese maibé ita mak tenke iha hanoin importante susesu ba kombate Covid-19 liu husi estadu emerjensia, ida ne'e loloos ita konsiente," dehan Pe. Júlio ba www.tempotimor via telemóvel, Segunda (06/04).

Tuir nia, politika labele impata Prosesu luta kombate Covid-19, maibé hamutuk haree lai asuntu refere hafoin ultrapasa mak haree fali asuntu politika.

"Mais rua-rua ne'e lao, prontu prosesu politika lao maibé labele impede fali ita-nia objetivu hamutuk kombate Covid-19 to'o sussesu, ita halo politika mak la konsege rezolve Covid-19 iha ita-nia rai, ne'e politika ne'ebé la benefisiu ba povu," dehan nia.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.