Adriano husu Governu Fó Subsidiu ba Timor-oan iha Rai Li'ur

Deputadu Adriano do Nasimento Deputadu Adriano do Nasimento Foto File

Tempotimor (Dili)-Deputadu husi Bankada Partidu Demokrátiku (PD) Adriano do Nascimento husu ba govenu atu taka liña fronteira terestre no apoiu subsidiu ba Timor-oan sira ne'ebé hela iha rai li'ur.

Tuir deputadu ne'e, governu tenke fó tau-matan ba nesesidade Timor-oan sira ne'ebé la konsege fila tanba nasaun hirak ne'ebé sira hela ba implementa ona lockdown.

"Estudante na'in rua eskola iha Tailandia sira la konsege mai, tanba estadu lockdown, entaun ha'u sujere ba governu atu tau-matan sira na'in rua nia nesidade lorloron," dehan deputadu PD ne'e iha plenária PN, Segunda (06/04/2020).

Deputadu ne'e hatutan, subsidiu ne'e la'ós estudante na'in rua ne'e de'it, maibé ba estudante Timor-oan hotu-hotu ne'ebé sei hela iha nasaun seluk.

"Nune'e mós ba estudante sira seluk ne'ebé iha Singapura, Indonézia, Malazia no seluk tan ne'ebé la mai," dehan nia.

Deputadu ne'e husu mós ba MNEK atu update kona-ba kondisaun estudante sira nian atu nune'e inan-aman sira labele preokupa ba sira-nia oan.

Iha fatin hanesan, Prezidente Bankada PD António da Conceição Kalohan afirma, governu presiza haree ba Timor-oan na'in 800 ne'ebé hela iha Indonézia no nasaun sira seluk.

"Ligadu ho virus corona ne'e aproximadamente ho sidadaun Timor-oan sira ne'ebé kuaze 8000 iha Indonézia, Filipina, Tailandia, ne'ebé sira nia situasaun halo ita preokupa, tanba ne'e governu iha obrigasaun atu tau atensaun liu-liu MNEK no embaixadór sira presiza buka dadaus ne'ebé klaru ba timor-oan sira ne'e," dehan nia.

Tuir nia, osan ba Covid-19 ne'ebé PN aprova ona bele fasilita governu hodi fó subsidiu ba traballadór no estudante sira ne'ebé iha estranjéiru.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com