"Desde horseik to'o ohin tuku 12:00 meiu dia, dadus ne'ebe rekolla husi sistema vizilánsia etimolojia Ministeriu Saúde hatudu katak, Timoroan na'in 1.035 ne'ebé mai husi nasaun afetadu COVID-19 iha hela Kuarentena", Portavoz ekipa gabineti jestaun krize Rui Maria de Araújo hato'o lia hirak ne'e, iha Centro Convencões Dili, kinta (2/4).
Eis Ministru Saúde ne'e esplika, ema ne'ebé iha Kuarentena obrigatóriu tuir terminolojia dekretu governu númeru 3/2020, ne'ebé aprova oin rua, ida auto karantina signifika, halo observasaun iha uma ho totál ema iha munisipiu hamutuk 125, iha Dili 138 no konfinamentu instalasaun ne'ebé Ministériu Saúde mak superviziona, auto karantina iha munisipiu hamutuk 71, iha Dili 701.
Entretantu, Liu husi konfinamentu instalasaun Ministériu saúde, ema ne'ebé tama auto karantina no tama karantina liu ona loron 14, iha munisipiu no Dili totál na'in 333.