Print this page

Deputadu Adriano: Lu-Olo, Taur, Xanana, Alkatiri, Horta, no Lere Forma Ekipa Nasionál

Lider nasional sira ne'ebe hamri'ik husi liman karuk ba liman los, Xanana Gusmao, Mahunu, Taur Matan Ruak, Lu Olo no Lere Anan Timur iha seremonia desmobilizasaun FALINTIL iha tinan hirak ba kotuk Lider nasional sira ne'ebe hamri'ik husi liman karuk ba liman los, Xanana Gusmao, Mahunu, Taur Matan Ruak, Lu Olo no Lere Anan Timur iha seremonia desmobilizasaun FALINTIL iha tinan hirak ba kotuk Foto File

Tempotimor (Dili)-Deputadu husi bankada PD Adriano do Nacimento hamosu ideia ida atu Prezidente Repúblika Francisco Guterres Lu Olo no Primeiru Ministru Taur Matan Ruak forma ekipa nasionál ida ne'ebé kompostu husi lider nasionál sira hodi hamutuk buka solusaun ba problema ne'ebé Timor-Leste hasoru daudauk.

Adriano sujere atu ekipa ne'e envolve lider sira hanesan Lu Olo, Taur, Xanana, Alkatiri, Ramos Horta, no Lere Anan Timur.

"Ha'u-nia pontu devista pesoál katak nasaun ida ne'e presiza ekipa konjuntu nasionál ida ke kompostu husi lider nasionál sira," dehan Adriano iha plenaria Parlamentu Nasionál, Kuarta (01/04).

Tuir deputadu ne'e, objetivu husi formasaun ekipa ne'e mak atu tau hanoin hamutuk hodi buka solusaun ba problema ne'ebé nasaun hasoru.

"Tanba ita-nia aman sira ne'ebé uluk lidera funu iha estratéjia ne'ebé di'ak hodi lidera funu ne'e," dehan deputadu ne'e.

Ekipa nasionál ne'e, nia hatete, sei lidera husi Prezidente Repúblika no Primeiru Ministru, tanba dadaun ne'e sira na'in rua mak lidera hela estadu ida ne'e.

"Entaun sira hamutuk par bele rezolve kestaun corona, polítika no seluk tan, par povu bele la'o ho esperansa iha ita-nia nasaun," dehan nia.

Rate this item
(1 Vote)
Last modified on Thursday, 02 April 2020 19:58
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items