Login to your account

Username *
Password *
Remember Me

Governu Deside Loke Hikas Aeroportu, Aviaun Bele Tama-Sai

Aviaun citylink ne'eba iha hela Aeroportu Internasional Prezidente Nicolao dos Reis Lobato, Komoro, Dili (29/3) Aviaun citylink ne'eba iha hela Aeroportu Internasional Prezidente Nicolao dos Reis Lobato, Komoro, Dili (29/3) Foto File tempotimor.com

Tempotimor (Dili)-Governu Timor-Leste dada hikas desiza taka aeroportu ba movimentu aviaun husi rai li'ur mai Timor-Leste.

Molok ne'e, governu deside hodi taka total movimentu aviaun, maibé liu husi enkontru ohin, Tersa (31/03), governu kansela desizaun refere.

Lee mós: Ohin, Loron Ikus Sriwijaya-Citilink Semo mai Dili

Ministru Transporte no Komunikasaun (MTK) José Agostinho da Silva hatete, movimentasaun transporte sei hala'o hikas durante estadu emerjénsia.

Governu, nia hatutan, deside hodi limita de'it movimentu aero ba semana ida dala ida.

"Transporte aero ne'ebé durante hala'o operasaun mai Timor-Leste, hanesan ita-nia koneksaun Dili ba Darwin, Dili ba Bali no Dili ba Singapura, ne'ebé durante iha nia operasaun diaretamente, mais ministeriu tetu razaun sira ne'e hotu mak ita halo limitasaun ba movimentasaun entaun governu deside katak semana ida fligth dala ida," dehan Ministru José iha Palásiu Governu bainhira partisipa iha reuniaun interministeriál, Tersa (31/03/2020).

Nia dehan, flight semana ida dala ida ne'e vigora hotu ba kompaña aviasaun ne'ebé hala'o operasaun iha TL.

"Voo dala ida ne'e vigora ba airlines hotu hanesan Citilink, Trans Nusa, Sriwijaya, Dulk Air inklui Air North," dehan Ministru ne'e.

Molok ne'e, Ministériu Transporte no Komunikasaun (MTK) hatuun despaisu ba parte aeroportu internasionál Nicolau Lobato Komoro atu la autoriza ona movimentasaun aviaun Sriwijaya no Citilink.

"Sriwijaya no Citilink simu ona informasaun liu-liu estadu emerjénsia kona-ba Covid-19, entaun ohin last flight ba movimentasaun aviaun Citilink no Sriwijaya," dehan Fligth Operational Officer Fernando de Araújo iha Aeroportu Komoro, Domingu (29/03/2020).

Maske nune'e, Fernando dehan, bainhira governu TL husu ajuda atu tula tan Timor-oan balun iha rai li'ur, parte Sriwijaya no Citilink prontu hodi apoiu.

"Se bainhira governu mak husu apoiu ba Sriwijaya no Citilink, hanesan Airlines sira prontu koopera ho governu," dehan nia.

Hafoin Timor-Leste sai husi periodu estadu emerjensia, tuir planu, aviaun Sriwijaya no Citilink sei semo hikas fali hanesan baibain, hahú husi 1 Maiu 2020.

"Maibé depende mós ba situasaun estadu emerjénsia Timor-Leste ninian bainhira estadu la estende ona".

Iha flitgh ikus iha Domingu (29/03), aviaun Sriwijaya tula estudante Timor-oan na'in 65 no Citilink na'in 15, nune'e ho totál estudante Timor-oan ne'ebé ohin mai hamutuk na'in 80.

Rate this item
(1 Vote)
Last modified on Tuesday, 31 March 2020 15:26
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter