TL husu Asistensia Mediku Husi Cuba

PrezidenteEmbaixadór Kuba ba Timor-Leste, Omar Lauro Marreto Betancourt hasoru malu ho Prezidente da Republika, Dr. Francisco Guterres Lu Olo, iha Palasiu Prezidensial, Dili tina PrezidenteEmbaixadór Kuba ba Timor-Leste, Omar Lauro Marreto Betancourt hasoru malu ho Prezidente da Republika, Dr. Francisco Guterres Lu Olo, iha Palasiu Prezidensial, Dili tina Foto File

Tempotimor (Dili)-Atu antisipa Corona Virus Deasses 2019 (Covid-19) la to'o iha situasaun ne'ebé perigu liu, estadu Timor-Leste hato'o ona pedidu ba estadu Kuba atu fó asistensia mediku.

Timor-Leste hato'o pedidu ne'e liu husi governu no reforsa mós husi Prezidente Repúblika Francisco Guterres Lu Olo.

"Prezidente Repúblika fiar katak Governu Kuba sei hatan pedidu husi Timor-Leste atu enfrenta efeitu husi Virus Corona," hakerek karta komumikadu imprensa husi palasiu prezidensial ne'ebé www.tempotimor.com asesu, Segunda (30/03).

Iha karta refere hatete, investimentu Kubanu iha área saúde, ohin loron rekoñesidu internasionalmente husi ninia medikemantus no Brigada Médiku ne’ebé haruka ba nasaun barak.

Medikamentus ne'ebé Kuba uza hodi hasa'e imunidade hasoru Covid-19 susesu tebes.

Tan ne'e, PR Lu Olo reforsa pedidu husi VIII Governu Konstitusionál  hodi husu asisténsia medikamentu husi Kuba no reforsa Brigada Médika Kubanu iha Timor-Leste.

Entertantu, Timor-Leste iha ona suspeitu pozitivu Covid-19 na'in ida no iha ema liu rihun ida mak tama ona kuarentena.

Relasiona ho pandemia Covid-19, Prezidente Repúblika dekreta ona estadu emerjensia hahú husi 28 Marstu to'o 26 Abril tinan ida ne'e.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com