PR Lu Olo Apoiu Governu Sosa Ekipamentu Mediku husi Xina

By Tempo Timor March 31, 2020 2087

font size decrease font size increase font size
Print
Email

Tempotimor (Dili)-Prezidente Repúblika Francisco Guterres Lu Olo reforsa pedidu governu Timor-Leste hodi sosa ekipamentus mediku husi Xina atu prevene no kombate epidemia Covid-19 iha nasaun ne'e.

PR Lu Olo felisita estadu Xina ba maneira kombate Covid-19 no asisténsia ne’ebé fó ba nasaun sira ne'ebé afetadu maka’as, ho moras ne’e tanba ho kualifikasaun rekursus umanus, medikamentu no instalasaun.

Liu husi karta komunikadu PR Lu Olo dehan, estadu TL halo esforsu prevensaun no preparativus hasoru kondisaun at liu, tanba ne’e, PR reforsa pedidu apoiu ekipamentu no medikamentus husi Governu ne’ebé hato’o tiha ona ba Repúblika Popular Xina.

"Governu Timor-Leste sei responsabiliza ba kustu sosa ekipamentu, medikamentu no transportasaun," hakerek karta komunikadu ne'ebé www.tempotimor.com asesu, Segunda (30/03).

Haree ba esperensia husi nasaun sira seluk, estadu TL deside hodi implementa estadu emerjensia ne'ebé PR Lu Olo dekreta hahú husi 28 Marstu to'o 26 Abril 2020.

PR Lu Olo dehan, desizaun ida ne'e nu'udar dalan ne'ebé di'ak liu ba prevensaun Covid-19 hodi salva sidadaun tomak ne’ebé hela iha nasaun ne’e.

Rate this item

(0 votes)

Last modified on Thursday, 02 April 2020 20:03

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com