"Prezidente Repúblika Francisco Guterres Lú Olo, hato’o sentida kondolénsia ba Prezidente Indonézia, Jokowi no família enlutada tanba lakon inan Sujiatmi Notomihardjo," hakerek karta komumikadu ne'ebé www.tempotimor.com asesu, Segunda (30/03).
Prezidente Repúblika Francisco Guterres Lu Olo mos aproveita okaziaun ida ne’e reafirma sentimentu solidariedade entre nasaun rua.
Entertantu Prezidenti Repúblika Indonzia Joko Widodo nia Inan, Sujiatmi Notomihardjo, iis kotu iha 25 Marsu 2020 ho idade tinan 77, iha Ospitál Slamet Riyadi Surakarta, Indonézia kauza husi kankru ne'ebé afeita durante tinan haat liu ba kotuk.
Saudoza Sujiatmi halot iha Simteiru familia Mundu, Selokaton Gondangrejo, Karanganyar, Kinta (26/03).