Print this page

Ema Estranjeiru Pozitivu Covid-19 Hahu'Rekopera' no Halo Atividade Normal

By March 28, 2020 12578
Ministra Saude Interina, Elia dos Reis Amaral ko'alia ba Midia sira Ministra Saude Interina, Elia dos Reis Amaral ko'alia ba Midia sira Foto Suplai

Tempotimor (Dili)-Ministra Saúde interina Elia dos Reis Amaral informa katak ema estranjeiru husi Europa ida ne'ebé pozitivu Corona Virus Deasses 2019 (Covid-19) hala'o ona nia atividade hanesan baibain.

Ministra Elia hatete, pasiente Covid-19 ne'e hatudu progresu ne'ebé avansadu tebtebes no daudauk ne'e iha kondisaun ne'ebé di'ak.

"Ita grasas a Deus tanba nia iha avansadu tebtebes, nia di'ak, bele halo atividade normál," dehan Ministra Elia iha Sentru Konvensaun Dili, Sabadu (28/03).

Ho progresu ne'e, Elia hein katak bainhira hala'o tan teste no hatudu rezultadu negativu, signifika nia livre ona husi Covid-19.

"Se ita hasai tan teste ba nia mak rezultadu negativu, nia liberta ona husi corona virus," dehan Elia.

Entretantu, iha 21 Marsu 2020, Ministra Saúde anunsia katak bazeia ba rezultadu teste hatudu katak iha ema estranjeiru ida iha Timor-Leste ne'ebé pozitivu Covid-19.

Ministra Saúde interina, Elia liu husi konferensia imprensa informa, ema ne'ebé pozitivu Covid-19 daudauk ne'e izola iha fatin adekuadu saúde nian no hetan monitorizasaun husi departamentu vizilansia MS.

Tuir Elia, maske iha ona pozitivu Covid-19 maibé la fó risku boot ba públiku tanba ema ne'e kopera di'ak ho pesoal saúde sira bainhira nia sente moras ho sintomas Covid-19.

"Nia rasik izola an kedas hafoin kontaktu pesoal saúde," dehan Elia iha edifisiu MS, Kaikoli, Sabadu (21/03).

Rate this item
(8 votes)
Last modified on Saturday, 28 March 2020 19:12
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items