Deputadu KHUNTO Sujere Governu Fó Atensaun mós ba Media

Vise Prezidente Parlamentu Nasional Luis Roberto Vise Prezidente Parlamentu Nasional Luis Roberto Foto Suplai

Tempitimor (Dili)-Deputadu husi bankada Khunto Luis Roberto husu ba governu atu fó atensaun mós ba media sira ne'ebé hala'o serbisu hodi fahe informasaun ba públiku bainhira implementa Estadu Emerjensia.

Tuir deputadu ne'e, alein de mediku no parte seguransa, jornalista mós hamriik iha liña dahuluk hodi fahe informasaun kona-ba Corona Virus Deasses 2019 (Covid-19) ba públiku.

"Mate karik media mak mate uluk tanba sira iha primeiru liña. Sira mak dezamina informasaun ba ita," dehan Deputadu Luis Roberto durante debate ba estadu emerjensia iha Parlamentu Nasional, Kinta (26/03).

Deputadu ne'e dehan, importante atu tau konsiderasaun ba instituisaun importante sira, inklui mós media.

"Tau osan karik ba Institusaun importante sira ne'e tenke klaru par serbisu karik semangat," dehan Luis.

Entretantu, bainhira aplika duni estadu emerjensia, sei limita sidadaun sira-nia liberdade no dereitu fundamental balu. Maske nune'e, instituisaun profisional sira hanesan mediku, seguransa, inklui media sei hala'o nafatin serbisu.

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com