PM Taur:  Tempu atu Timor-oan Hamutuk Luta Dala Ida tan

Primeiru Ministru Taur Matan Ruak iha plenaria Parlamentu Nasional Primeiru Ministru Taur Matan Ruak iha plenaria Parlamentu Nasional Foto suplai

Tempotimor (Dili)-Primeiru Ministru Taur Matan Ruak husu Timor-oan hotu atu apoiu hodi luta hasoru Corona Virus Deasses 2019 (Covid-19) iha Timor-Leste.

Tuir PM Taur, ameasa husi Covid-19 sai nu'udar momentu ba Timor-Leste atu tau forsa hamutuk hodi kombate.

"Iha momentu ida ne'e espesial tebes ba ita-nia nasaun, tanba iha momentu hanesan ne'e pais hotu-hotu konsidera hanesan funu, tanba atu kombate moras Corona Virus presiza esforsu nasional no konsentrasaun rekursu hotu-hotu par bele haree," dehan PM Taur durante diskusaun ba estadu emerjensia iha parlamentu nasional, Kinta (26/03).

Xefe governu ne'e dehan, Covid-19 hahú husi sidade Wuhan, Xina, iha Dezembru 2019. Nune'e iha 30 Janeiru 2020, Organizaun Mundial Saude (OMS) deklara situasaun extraordiria, no iha 11 Marsu 2020 OMS deklara tan dezempena ida risku afeita.

To'o agora, Taur dehan, nasaun 198 mak hetan da'et ona.

"Moras ne'e mosu iha Xina, nasaun hotu hakfodak hodi halo esforsu lori fila ida-idak ninia bolseiru sira iha Xina, infelismente ita la espera moras ne'e atu mai tuir nasaun ida-idak," dehan nia.

Tuir dadus, husi nasaun 198 ne'e, iha ema na'in 438. 516 mak afeitadu, ema ne'ebé mate na'in 19.656, no ema ne'ebé rekopera na'in 111. 112.

Iha 24 no 25 Marsu, ema ne'ebe afeitadu ba Covid-19 hamutuk kazu 15. 189 no iha kazu 766 mak mate no nasaun ne'ebé mak ema mate barak liu ba Covid-19 mak Italia hamutuk 5.486 no tuir fali España hamutuk na'in 3.434.

"Iha nasaun España sistema saude la augenta, sira tenke hili see mak sira atu husik mate no see mak sira atu salva, ne'e hatudu katak nasaun sira ne'ebé sistema saude muitu dezenvolvidu hanesan Italia primeiru lugar iha Europa, maibé la aguenta, ema mate barak".

Tan ne'e, husu hotu-hotu tenke hamutuk no apoia malu hodi prepara ba luta kombate Covid-19.

Rate this item
(0 votes)
Last modified on Thursday, 26 March 2020 12:39
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.