Diskusaun no votasau pedidu urjénsia husi guvernu Nu 13/V(2a) "autorizaun realizaun transferensia ba fundu petrolífeiru" liu ho votu unanimidade husi total deputadu 64. 

"Autoriza aprivadu iha urjensia ni ami baixa kedas ba komisaun C PN para halao servisu," dehan Prezidente Parlamentu Nasionál, Arão Noé de Jesus, iha plenária PN, Kuarta (25/3). 

Mesmu nune'e, pedidu husi guvernu relasiona ho levantamentu estraordinária ba fundu petrolífera hamutuk toko US$ 250 atu reforsa kaixa tezouru to'o fulan-Outubru, ne'e la influensia husi desizaun politika maibe ne'e bazeia tekniku sira nia kalku.

"Proposta ne'e ami hatoo bazeia de'it ba kalku ezekusaun orsamental, ita seidauk inklui situasaun ne'ebé agora dadaun akontese," dehan Ministra Finansas, Sarah Lobo Brites, iha Parlamentu Nasionál, Kuarta (25/3).

Nune'e, Prezidente Komisaun C PN, Fernanda Lay, propoin kalendariu tentativa katak dia 26 sei aprovasaun proposta kalendariu apresiasaun PPL, dia 27 audensia konjunta ho Ministra finansas inklui banku central timor leste i dia 30 mak leitura no votasaun iha komisaun C.

"Mas lakohi halo audensia, ministra tenke haruka desagregasaun tanba ohin realmente Komisaun C, PN prekupa tanba Ministra tau deit tokon US$ 250 no dehan sei presiza tau tanba inundasaun no Covid-19," dehan Lay. (*)