Povu Paniku Covid-19, Lere Husu Politiku Hases Interese Politika Hare Uluk Humanitária

Komandante Jeral F-FDTL, Maijor Jeneral Lere Anan Timur iha podium ko'alia ba Midia Komandante Jeral F-FDTL, Maijor Jeneral Lere Anan Timur iha podium ko'alia ba Midia Foto File

Tempotimor (Dili)-Xefi estadu maior Jeneral F-FDTL, Major Jeneral Lere Anan Timur husu atu iha momentu ne’e politiku sira hases tiha lai sira nia interese politika hodi tau prioridade ba situasaun humanitariu hanesan kombate Corona Virus i resolve nesecodade baziku ba vitima dezastre naturais iha nasaun ne’e.

 "Nu'udar militar fo rekomendasaun i akonsell ba politiku sira, prioridade mak situasaun humanitariu, diak liu politiku sira tau politika iha aspeitu Sekundaria fo atensaun, prioridade ba humanitariu," dehan Lere Anan Timur iha Palácio Prezidensial Nicolao Lobato Bairo-pité Dili, Kuarta (25/03).

Lere akresenta Situasaun Humanitaria hanesan dezastre naturais ne'ebé mak foin lalais akontese afeta makas ba populasaun. Komunidade barak mak lakon nia uma, sasan i too ohin loron ministeiru solidariedade seidauk fo asistensia naton ba sira.

Eis gerrileiru ne'e espresa nia sentiment, nu’udar timoroan ne’ebe mai husi funu naruk ida maka halo populasaun no juventude rihun ba rihun mate ba sira nia ukun a’an ne'e nune’e Lere lakohi atu povu ne'e moris iha terus, susar no mate tan. 

“Mate la’os tan ba kilat musan ka situasaun politika mais corona virus ne'e hanoin halo atrapalla, kria paniku ba komunidade,” Lere dehan.

Lere fo ezemplu Covid-19 iha país dezenvolvidu, sira nia ema mate lor-loron hanesan Italia, spanha, amerika, Indonesia no seluk tan. 

Jeneral ne'e hatutan katak,” Timor-Leste hanesan País Sub-dezenvolvidu ne'ebé foin maka ukun aan. Meus hotu laiha, i wainhira Covid-19 mak mosu i daet barak Lere rasik lahatene situasaun atu akontese oinsa”.

"Sorte too agora kazu pozitivu ida mas laos timor oan i ema estranjeiru, seluk negativu.," dehan Lere

Nune'e Lere husu atu politiku sira haree situasaun humanidade hanesan Primeiru prioridade i Guvernu ne'ebé mak sei iha mesmu politiku sira ezize Prezidenti Repúblika atu demite lalais kargu Primeiru ministru. 

“Guvernu atual nafatin iha. ne'ebé Taur Matan Ruak sei Primeiru Ministru tan ba Prezidenti Repúblika seidauk demite, nune'e bele halo esforsu hotuhotu inklui membru guvernu hotu atu responde ba situasaun Corona Virus,” Lere hateten.

Nune'e Lere mos komenta wainhira Prezidenti Repúblika dekreta estadu Falintil-FDTL nafatin koopera ho PNTL atu mantein situasaun hakmatek.(*)

 

Rate this item
(0 votes)
Last modified on Wednesday, 25 March 2020 22:12
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.