Xefe Kaza Sivil Prezidente Repúblika Francisco Vasconcelhos informa, iha ona diskusaun entre PR Lu Olo ho governu kona-ba pedidiu estadu emerjensia.
"Ha'u ohin hasoru-malu ho primeiru ministru atu kordena oinsa mak governu halo planu ida di'ak hasoru ba Corona Virus, tanba horseik konselu ministru aprova ona atu husu prezidente Republika kona-ba estadu emerjensia", dehan Vasconcelhos iha palasiu governu, Tersa (17/03).
Nia hatutan, iha sorumutu ne'e PM Taur hatete katak daudauk ne'e governu prepara hela informativu ida no planu oinsa mak atu hasoru Covid-19 no iha tempu badak sei entrega ba PR.