"Dala barak ita mai iha ne’e, ita kontesta malu de’it. Ita kritika malu hodi bu’at barak la la’o, bu’at sira ne’e la’o, ita bele Xumba Osan kuandu ita hakarak. Ou ita bele fo votus afavor hodi pasa orsamentu se kuandu ita hakarak. Ne’e maka dehan retorika iha Parlamentu Nasional. Ko’alia kuandu ita presiza e iha ha’u nia interese. Fora de ida ne’e ita husik. Ita so’e. Hanesan ha’u ko’alia iha semana kotuk dala barak ita nia hahaklok sira ne’e ladun saida, mas derepente mai ita bele sai anjo," dehan Kalohan iha PN, Segunda (16/03).

Iha momentu hanesan deputadu Kalohan sekunda argumentu balun husi deputada FRETILIN, Maria Angelica Rangel kona-ba responsabilidade Parlamentu Nasional nian.

“Parlamentu ne’e iha responsabilidade Moral para atu bele hatan ba situasaun ida agora daudaun ne’e. E Governu mos tenke sente prioridade ida ne’ebe nia presiza atu halo. Iha ne’e maka it abele dehan halo kooperasaun mutual para funsionamentu das institusoens demokratikas. Ita la halo sedensas sira ne’e ba malu.”

“Ita hahu husi prosesu sira mak naruk, ita trava prezidente so podeser bu’at ne’ebe maka la mai ita. E Ohin loron mos ira bele Xumba Orsamentu e ohin loron ita tetak malu fila fali. Hodi dehan fila diresaun existente mos la sa. Ida fali atu mai mos la sa? Entaun di’ak maka it aba fila fali ida fulan sia monu ne’e de’it. Karik ida ne’e maka ita hotu-hotu hakarak dehan intendimentu mak ida ne’e?”

Deputadu ne'e mós dehan, daudauk governu presiza osan atu haree ba asuntu Covid-19.

“Corona ne’e presiza aktu kontretu ida. Ida ne'e presiza osan. Inundasaun ne’e presiza osan. Iha ida ne’e maka interese nasional ita atu ko’alia ne’e.”

“Ita la presiza debate afavor ba ha’u nian entaun iha ne’e ha’u nia lian bo’ot liu. PD dezde uluk kedas promove saida maka Dialogu. Maibe ita evita bu’at sira ne’e hotu e ita ida-idak kontesta malu de’it das figuras. Figuras ne’e ita hotu-hotu respeita. Ita hotu-hotu hamriik ba rai ida ne’e.”

Kona-ba problema inundasaun, nia dehan, rekere kapasidade Governu atu lalais husu ba Parlamentu Nasional atu halo oin sa mak aprova osan ne’e.

"Ida ne’e mak ami husu atu ita promove konsensu das bankadas iha ne’e. Se ita hakarak halo intendimentu politika mak resolve situasaun ida agora daudaun ne’e," dehan nia.