Diskusaun polítika ne'ebe agora la'o dadaun entre Parlamentu Nasionál, Governu, partidu polítiku no mós entidade no liuliu Prezidente Repúblika ne'e kestaun nivel polítika.
"Enkuantu prosesu ruma seidauk tama iha Tribunál seidauk bele ko'alia katak, ida ne'e legál ka ida ne'ebá ilegál, so bele iha ona prosesu Tribunál mak bele pronúnsia", dehan Deolindo, iha Palásiu Governu, Sesta (13/3).
Prezidente ne'e akresenta, Bainhira prosesu tama ona iha Tribunál Rekursu mak bele tetu legalidade, kuandu sei iha kestaun diskusaun polítika Tribunál Rekursu seidauk iha kompeténsia.
Nia salienta, Tribunál Rekursu laiha kompeténsia ba prosesu daudaun la'o hela, tanba tribunál hanesan servisu independente no funsiona ba hotu-hotu labele haree ba kor.
Entretantu, koligasaun foun daudaun ne'e kompostu husi partidu polítiku CNRT, PD, KHUNTO, PUDD, UDT no FM. (*)