"Hau husu, Prezidente Repúblika aseita, tanba ne'e iha tempu badak Casa Civil sei konvida ministra saúde, ekipa téknika halo aprezentasaun ida, fó ideia jerál ida ba Prezidente depois mak husi ne'e bele fó mesajen ba ita-nia povu," dehan PM Taur Matan Ruak, iha Palásiu Prezidensiál, Bairru-Pité, Kinta (12/3). 

Eis-Xefe Estadu ne'e esplika, Governu iha medida rua mak halo hanesan kontrola ema moras husi li'ur labele tama no perpara rai laran atu buka responde. 

Taur hatutan, Governu rasik harii ona ekipa Task force entre lina ministerias ne'ebé lidera husi Ministra saúde i exercício nune'e perpara ona fatin karantina tolu hanesan iha Formoza sai fatin klianzen, Vera-Cruz hanesan kuida intensivu no Tibar bainhira númeru Covid-19 aumenta.

"País sira ne'ebé saúde muitu mellor iha mundu mais sira laiha kbiit atu rezolve problema kuantu mais Timor ne'ebé sistema saúde sei fraku, infraestrutura fraku," dehan Taur. 

Prevensaun ba viajen sidadaun estranjeiru sira mai Timor-Leste, Taur hatete, daudaun ne'e Timor-Leste eskredita husi ema rua aumenta tanba semana haat, kuandu tama iha Timor presiza iha astestadu médiku. 

Entertantu, Timor-Leste rasik sei livre husi ameasas Covid-19 hafoin rezultadu teste amostra ba sidadaun Italianu ne'ebé haruka ba Royal Darwin Austrália rezultadu negativu. (*)