Login to your account

Username *
Password *
Remember Me

Lere sei Tuun Direta Kaptura Uza ID Falsu Trata Lider Nasionál

Tempotimor (Dili) - Xefe Estadu Maiór Jenerál FALINTIL-FDTL, Majór Jenerál Lere Anan Timur hatete, sei tuun direta kaptura ema sira ne'ebé uza ID falsu hodi trata lider nasionál iha Facebook.

"Prezidente símbolu nasaun, presiza respeita. Tanba ne'e, Parlamentu tenke halo lei ida para proteje ita-nia órgaun soberanu sira ne'e, ita-nia lider sira. Se lae ha'u bele toma inisiativa kaer ema sira ne'ebé disfama, mal trata ita-nia lider entrega ba tribunál para julga," dehan nia, iha Palásiu Prezidensiál, Bairru-Pité, Kuarta (11/3). 

Tuir Lere, demokrasia iha liberdade maibé presiza respeita no labele viola ema seluk nia direitu, bainhira koalia kona-ba patriotizmu, nasionalista presiza respeita lider soberanu nasionál, símbolu nasionál sira. 

Eis gerrileiru ne'e akresenta, durante ne'e akompaña pesoál deskonesidu uza ID falsu trata Prezidente Repúblika inklui lider nasionál sira iha Facebook. 

"Ha'u la hatene loke (Facebook), ha'u haruka ema seluk loke mak ha'u haree ba ne'e trata ita-nia Prezidente Repúblika, trata ita-nia lider nasionál sira, ida ne'e ita labele admite tanba ita lei laiha mas étika tenke iha," dehan Lere. 

Jenerál Fitun rua ne'e, husu atu Parlamentu atu halo lei ida lalais para proteje órgaun soberanu sira. 

Entertantu, Timor-Leste dadaun ne'e seidauk iha lei ka regulamentu relasiona ho utilizasaun ínternet, liuliu kontrolu ba rede sosiál hanesan Facebook, Twitter, Instagram no seluk-seluk. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter