Login to your account

Username *
Password *
Remember Me

FRETILIN Konsidera Debate 'Osan Falsu' Tentativa Manipula Investigasaun

Suspeitu Timoroan balun hamutuk ho ema Indonezia balun ho osan Suspeitu Timoroan balun hamutuk ho ema Indonezia balun ho osan Foto Suplai

Tempotimor (Dili) - Bankada FRETILIN la konkorda ho debate urjénsia ba sirkulasaun osan falsu iha Parlamentu Nasionál tanba konsidera hanesan manipulasaun ba prosesu investigasaun.

 Haree asaun ne’e hanesan tentativa atu manipula prosesu investigasaun no tenta politiza asuntu justisa nian. Bankada FRTILIN, kondena atu ne’e husi meza Parlamentu Nasional. 

Lia hirak ne'e hato'o liuhusi komunikadu imprensa ne'ebé www.tempotimor.com, iha Tersa (10/3. 

Bankada FRETILIN nia hanoin kazu falsifikasaun osan hanesan krime organizadu ne’ebé envolve rede internasional, nune’e labele lori ba debate públika bainhira prosesu investigasaun sei la’o hela. 

"Ne’e bele difikulta investigasaun kle’an hodi desmantela rede no ikus mai bele deskobre nia autor intelektual sira", dehan iha komunikadu ne'e. 

Bankada FRETILIN sujere atu iha audiénsia restritu husi Komisaun Espesializada ba Negosiu Estranjeiru, Defeza no Seguransa atu atualiza de'it informasaun ba Parlamentu Nasionál, la’ós debate iha públiku. 

Bankada FRETILIN sei la sai kumplise ba hahalok ne’e, hahalok ne'ebé obriga atu hakotu segredu justisa husi prosesu investigasaun ne'ebé sériu tebes, no deside atu abandona sala plenária. 

Bankada FRETILIN husu populasaun tomak atu akompaña nafatin prosesu ho kalma, kolabora ho autoridade kompetente sira hala'o sira-nia knaar investigasaun, no atu iha kuidadu ho manipulasaun sira nebe’e ita observa hela. 

Iha loron Tersa (10/3), Parlamentu Nasional halao sesaun plenariu ho ajenda atu iha debate urujénsia koalia kona-ba “sirkulasaun osan falsu”, tuir pedidu husi Bankada CNRT iha semana kotuk. 

Bainhira sesaun plenaria hahu, Bankada FRETILIN aprezenta preokupasaun relasiona ho debate asuntu nebe’e ita konsidera relasionadu ho seguransa Estadu nian, no relasiona mos ho kazu nebe’e sei iha hela prosesu investigasaun iha Republika Indonesia, no envolve sidadaun timor oan balun. 

Bainhira Prezidente Parlamentu deside atu lori ba votasaun plenaria nian, atu deside se kontinua ho debate ka lae, Bankada FRETILIN observa mos katak Meza Parlamentu halo manipulasaun ba votasaun refere, hodi obriga atu bele kontinua debate ida ne’e iha sala plenária, ho tranzmisaun iha radio Parlamentu. (*)

Rate this item
(1 Vote)
Last modified on Tuesday, 10 March 2020 18:45
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter