Alokasaun orsamentu boot liu ba investimentu área tasi mane ne’ebé la klaru no laiha modelu dezenvolvimentu. Ne’e duni, bainhira gasta osan boot maibé laiha serteza ba retornu ekonomia no sosiál ne’e hanesan fakar osan.
Entretantu Deputadu Alexandrino husi Bankada FRETILIN, sente triste tanba orsamentu ne’ebé governu aloka ba setór ne’ebé benefisia direta ba povu, governu tau osan ki’ik.
“Osan ne’ebé ita koloka ba área importante sira hanesan edukasaun, saúde, agrikultura, bee moos no saneamentu ki’ik liu, ne’ebé área ne’e liga direta ba povu nia moris loroloron. Ita tau fali osan ba buat ne’ebé laiha serteza ka iha nakukun laran”, tenik nia.
Entretantu, Xefe Bankada CNRT, Duarte Nunes hateten, orsamentu ne’ebé ne’e la'ós mesak de’it, maibé hetan apoiu mós husi parseiru sira.