Login to your account

Username *
Password *
Remember Me

Tanbasá Loron 3 Marsu Sai Loron Veteranu?

Prezidente da republika, Dr. francisco Guterres Lu Olo halo inspeksaun ba parade militar durante ceremonia aniversariu veteranu iha Dili (3/3) Prezidente da republika, Dr. francisco Guterres Lu Olo halo inspeksaun ba parade militar durante ceremonia aniversariu veteranu iha Dili (3/3) Foto Midia PR

Tempotimor (Dili) - Dalaruma mosu pergunta barak husi públiku tanbasá mak Estadu determina loron 3 Marsu sai nu'udar loron Espesiál ba veteranu luta na'in sira.


Loron ne'e iha ninia sentidu rasik. Estadu Timor-Leste deside loron ne'e ba luta na'in sira, tanba iha loron 3 Marsu 1981, Timor-Leste hahú reorganiza funu ba libertasaun nasionál, hafoin baze-de-apoiu rahun.

Data istórika ne’e liga ba Konferénsia Nasionál FRETILIN iha Maubai (Vikeke). Iha loron 3 Marsu ho orientasaun husi membru Comite Central FRETILIN (CCF) sobrevivente na'in rua, Xanana Gusmão no Ma’Huno.

Nune'e, konferensista sira hili membru CCF na'in sia foun tan no foti desizaun importante lubuk ida, hodi reorganiza luta libertasaun nasionál iha territóriu tomak.

"Rezisténsia armada moris fila-fali iha ai-laran. Povu hetan fali nia esperansa! Mundu hakfodak! Nune’e, ohin ita selebra loron istóriku ida ne’e", dehan Prezidente Repúblika, Francisco Guterres Lú Olo, iha ninia diskursu iha selebrasaun loron Veteranu, iha Palásiu Governu, Tersa (3/3).

Ne'e duni, selebra data istórika 3 Marsu 1981  dala ida tan, ne’ebé  konsagra ona husi Estadu Timor-Leste, liuhusi Lei n°3/2016, nu’udar  Loron Veteranu sira-nian.

Entertantu, selebrasaun loron nasionál veteranu ne'e ba dala IV. Selebrasaun dahuluk akontese iha tinan 2017.

Veteranu no Kombatente Libertasaun Nasionál rasik kompostu husi frente armada, frente klandestina no frente esterna ka diplomátika. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter