"Se ita la ko'alia istória hahú husi ASDT mai ne'ebé simu tutan husi FRETILIN ne'ebé sira mak kuda. Sira sei iha hela maibé sira laiha prezensa," dehan Sekretáriu Estadu Gil da Costa "Oan Soro" iha Sentru Konvensaun Dili (CCD), Segunda (2/3).

Tuir nia, ajenda iha selebrasaun loron veteranu ho tema inportante "Relembrar o Passado, Consolidar o Presente, Projectar o Futuru", nune'e bainhira maun boot sira la prezensa entaun veteranu sira sei ko'alia sala istória sira husi 1974 to'o 1999.

"Ita fó konvite espesiál ba ita-nia na'i ulun  sira, maun Ramos Horta, Mari, Xanana no maun boot sira seluk", dehan Gil.

Semináriu ho tema "Memória 1975-1999 ba Jerasaun ohin no aban bainrua" ba komemora loron veteranu, iha Domingu (1/3), selebra misa iha Jardim dos Herois no sei remata ho Isar Bandeira, iha Palásiu Governu, Tersa (3/3).

Seminariu ne'e prezensa husi Xefe Estadu Maiór FALINTIL-FDTL, Majór Jenerál Lere Anan Timur, Prezidente Tribunál Rekursu, Deolindo dos Santos, Prezidente Konsellu Veteranu Vidal de Jesus "Riak Leman no veteranu 13 munisípiu. (*)