"Ha'u husu hasoru sira (STAE) para hatene loos sira-nia perparativus," dehan PM Taur, iha Palásiu Prezidensiál, Bairru-Pité, Sesta (28/2).
Nia hatutan, relasiona ho rezultadu enkontru entre lider nasionál, iha loron 10 Fevereiru 2020, hamosu opsaun tolu, hanesan partidu politika sira halibur malu halo diálogu, koligasaun no eleisaun antesipada nu'udar últimu rekursu.
"Hanesan Primeiru Ministru ha'u tenke hatene kondisaun karik akontese. Se la akontese di'ak liu purke ema hotu-hotu baruk ona ba eleisaun," dehan Taur.
Entertantu, Primeiru Ministru, Taur Matan Ruak informa ba Xefe Estadu situasaun jerál ne'ebé la'o ho hakmatek, inklui estudante iha Nova Zelándia ne'ebé foin lalais fila ona mai Timor-Leste. (*)