Diretór Jerál STAE. Edgar Sequeira Martins hatete, iha fulan-Dezembru 2019, STAE rejistu ona eleitor hamutuk 810.077.
Nia dehan, STAE halo rejistrasaun ba eleitór sira bazeia ba dokumentu ne'ebé sira aprezenta hanesan sertidaun batizmu no RDTL, maibé estranjeiru balun hetan hotu kartaun eleitorál, ne'e PNTL mak iha kompetensia para haree kazu ne'e.
"Agora see ema estranjeiru balun hetan kartaun eleitorál ida ne'e kazu, polisia haree tanbasá? Ne'e kompeténsia polisia nian, ema hira no oinsá rejistu ne'e ha'u labele ko'alia", tenik Edgar.
Nia hatutan, STAE rejista eleitór bazeia ba dokumentu komprovativu ne'ebé presiza, kuandu sira lori mai maka sei halo atendementu.
Nune'e, daudaun ne'e atendimentu rejista ba eleitór la'o hela no ba ema ne'ebe iha tinan 17 ba leten, kuandu prienxe rekizitu maka STAE nafatin fó atendimentu. (*)
STAE Husu PNTL Foti Medida Ba Sidadaun Estranjeiru Hetan Eleitorál
Tempotimor (Dili) - Ministériu Justisa identifika ona sidadaun estranjeiru balun ne'ebé utiliza eleitorál Timor nian. Nee duni, Sekretariadu Tékniku Administrasaun Eleitorál (STAE) husu atu Polisia Nasionál Timor Leste (PNTL) atu foti medida hasoru ema hirak ne'e.
Tags
Tempo Timor
Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.
Jornalista Jornal Tempo Timor, bandu atu hetan envelope ka sasan ruma husi fontes informasaun sira.
www.tempotimor.com
