Pe. Martinho: Destinu TL La'ós iha Na'in Sia Nia-Liman

Padre Martinho G. da Silva Gusmao ko'alia ba jornalista sira iha Dili (25/2) Padre Martinho G. da Silva Gusmao ko'alia ba jornalista sira iha Dili (25/2) Foto suplai

Tempotimor (Dili) - Observadór polítika no Sosiu-kultura, Pe. Martinho Gusmão, husu ba koligasaun foun ne'ebé lidera husi Partidu Congresso Nacional Reconstrução Timor-Leste (CNRT) atu tetu didi'ak membru governu na'in sia (9) ne'ebé antes ne'e Prezidente Repúblika pondera.


Tuir nia, bainhira koligasaun foun ne'e mantein ho ema na'in 9 ne'e maka sei sai obstaklu ba formasaun IX Governu Konstitusionál.

Pe. Martinho hatutan, kuandu na'in 9 ne'e parte husi problema hasai tiha husi lista. Se parte husi solusaun di'ak liu fó pose atu bele hala'o serbisu.

"Nasaun ne'e ukun rasik-aan, tanba de'it sira na'in 9 mos ladún loos", tenik nia.

Nee duni, nia husu, antes foti desizaun ba membru governu nain 9 ne'e, presiza define no tetu didi'ak para bele garante ba estabilidade governativa.

Antes ne'e, iha VIII Governu Konstitusionál, Prezidente Repúblika, Francisco Guterres Lú Olo pondera membru governu na'in sia kompostu husi na'in hitu husi Partidu CNRT no rua husi Partidu KHUNTO.

Kauza husi na'in sia ne'e, ikus mai, VIII Governu Konstitusionál monu iha dalan klaran, tanba konfrontu ideia iha bloku koligasaun Aliansa Mudansa ba Progresu (AMP).

Molok ne'e, liu husi intervista iha televizaun GMN ho fiar aan Xanana halo promesa ba públiku katak sei la hola parte iha governu foun mai, tanba CNRT forma governu ho partidu ne'ebé de'it, maibé ninia ema sei la hetan pose husi Prezidente Repúblika.

“CNRT hatene katak atu forma Governu foun karik ho sé-sé de’it, nia ema sira sei labele fó pose. labele! tanba ne’e mak CNRT iha serteza absoluta ida ne’e, nia ema sira la bele toma pose. Ne’e mak CNRT labele halimar fali katak ohin temi halo diálogu, halo diálogu, ba halimar fali diálogu. Atu governu foun ho Partidu saida de’it”, Xanana Gusmão Prezidente CNRT. (*)

Rate this item
(2 votes)
Last modified on Wednesday, 26 February 2020 17:38
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.