Login to your account

Username *
Password *
Remember Me

PR Lú Olo Nafatin Fó Fiar PM Taur Lidera Governu

Prezidente da republika ko'alia ba midia iha Ministeiru Financas, Aitarak laran, Dili (24/2) Prezidente da republika ko'alia ba midia iha Ministeiru Financas, Aitarak laran, Dili (24/2) Foto Midia PR

Tempotimor (Dili) - Prezidente Repúblika kontinua fó konfiansa ba Taur Matan Ruak,  hodi lidera VIII Governu Konstitusionál nu'udar Primeiru Ministru.


Prezidente Repúblika, Francisco Guterres Lú Olo hatete, to'o agora seidauk dekreta demisaun ka simu karta rezignasaun ruma husi Primeiru Ministru, Taur Matan Ruak, relasiona ho VIII Governu nia ezisténsia.

Nune'e, Xefe Estadu kontinua deklara Taur Matan Ruak kontinua asume kargu Primeiru Ministru no VIII Governu nafatin eziste.

"Prezidente Repúblika hatete, dala barak ona Governu mantein no Primeiru Ministru mantein nafatin, ate agora ha'u mós nafatin ko'alia hanesan ne'e mantein nafatin," dehan Xefe Estadu Lú Olo,  iha Salaun Ministériu Finansas Ai-tarak Laran, Segunda (24/2).

Prezidente hatete, kuandu formasaun Governu foun bainhira governu ida atual laiha ona, entertantu to'o agora Primeiru Ministru, Taur Matan Ruak, seidauk hato'o karta demisaun nune'e VIII Governu kontinua la'o.

"Formasaun governu foun kuandu governu ida laiha tiha ona, maibé governu ida ne'e kontinua eziste nafatin," akresenta Lú Olo.

Nia esplika, VIII daudaun ne'e la'ós governu jestaun. Governu ne'e plena fungsaun nafatin. Governu jestaun signifika governu ne'e husu demisaun ona no Prezidente Repúblika dekreta ona demisaun.

"Maibé agora governu mantein nafatin," dehan Lú Olo.

Entertantu, Governu Jestaun mai husi ámbitu rua hanesan antes eleisaun no hafoin eleisaun.  Iha Konstituisaun RDTL artigu 112 katak, Prezidente Repúblika simu demisaun husi Primeiru Ministru ka Karta mosaun sensura husi Maioria membru Parlamentu Nasionál ne'ebé ativa iha Parlamentu.(*)

Rate this item
(2 votes)
Last modified on Monday, 24 February 2020 12:27
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter