Print this page

Xanana : "Ami Partidu 6 Prontu Asegura Governasaun"

By February 22, 2020 4347
Lideransa Partidu nen deklara prepara ba formasaun governu IX iha sede CNRT Lideransa Partidu nen deklara prepara ba formasaun governu IX iha sede CNRT Foto suplai

Tempotimor (Dili)-Partidu Politiku neen hala'o hela preparasaun hodi anunsia koligasaun foun atu forma governu.

Partidu politiku ne'ebé deside lao hamutuk mak partidu CNRT, Partidu Demokratiku (PD), Klibur Haburas Unidade Nasional Timor oan (Khunto), Partidu Unidade Demokratiku Dezenvolvimentu (PUDD), Uniaun Demokratiku Timor-Leste (UDT) no Frente Mudansa (FM).

Lider partidu hirak ne'e hala'o enkontru preparasaun ba forma koligasaun ne'e hala'o ona iha sede Partidu CNRT iha Bairro dos Grilhos Dili, Sabadu (22/02).

Marka prezensa iha enkontru ne'e, prezidente partidu CNRT Kay Rala Xanana Gusmão, prezidente PD Mariano Asanami Sabino, prezidente partidu Khunto Armada Berta, prezidente partidu PUDD Antonio de Sa Benevides, prezidente ezersisiu UDT Rodolfo Aparisiu Guteres no prezidente interinu FM Egidio de Jesus.

Enkontru ne'e hahú maizumenus tuku 9:00 no remata iha 9: 52.

"Ami partidu 6 ne'e kadeira hamutuk kadeira 34, ne'ebe prontu asegura governasaun", dehan Xanana iha sede CNRT.

Rate this item
(1 Vote)
Last modified on Saturday, 22 February 2020 10:34
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items