Sekretáriu Jerál PD, Antonio Conceição hatete, PD deside ona hamutuk ho Prezidente Partidu CNRT, Kay Rala Xanana Gusmão, hodi forma koligasaun.
"PD nia pozisaun agora dadauk sei ba hamriik hamutuk ho Maun Xanana Gusmão, inklui mós KHUNTO hamutuk ho partidu tolu seluk ne'ebé konstitui hela iha meza parlamentu ne'ebá, hodi viabiliza fali governu foun para salva nasaun", dehan Kalohan, Sesta (21/2).
Nune'e, pozisaun ne'ebé PD foti atu hamutuk ho CNRT ne'e desizaun koletivu ho prezidente munisipiu sira liuhusi konferénsia nasionál.
Entertantu, iha sorin seluk Konselleiru Másimu Partidu KHUNTO, Jose 'Naimori' dos Santos Bucar hatete, KHUNTO prontu atu asegura kualkér governu ida.
"Maun Xanana mós sei la mesak, maibé tenke hamutuk ho nia-alin sira no hamutuk mós ho povu Timor-Leste para bele rezolve problema ida ne'e", dehan Naimori
Nia afirma, KHUNTO prontu para hala'o serbisu ho sé de'it, la'ós ba CNRT de'it, ba hotu-hotu. Maibé sé mak hamriik ona atu forma governu para asegura governasaun KHUNTO prontu la'o hamutuk. (*)