Login to your account

Username *
Password *
Remember Me

Horta 'Aviza Impaktu Desizaun' Lú Olo no Haliis Ba Xanana

Eis Prezidente republika, Dr. Jose Ramos Horta Hasoru Malu ho Prezidente da republika, Dr. Francisco Guterres Lu Olo iha palasiu Prezidensial (14/2) Eis Prezidente republika, Dr. Jose Ramos Horta Hasoru Malu ho Prezidente da republika, Dr. Francisco Guterres Lu Olo iha palasiu Prezidensial (14/2) Foto Midia PR

Tempotimor (Dili) - Eis-Prezidente Repúblika aumezmu tempu mediadór prinsipál diálogu, José Ramos Horta, haruka Prezidente Repúblika, Francisco Guterres Lú Olo atu lalika interfere buat hotu, liuliu kona-ba pose ba membru governu sira.


Nune'e, Premeadu Nobel ba Pás ne'e mós abertamente hatudu ninia pozisaun hodi haliis ba Prezidente Partidu CNRT, Kay Rala Xanana Gusmão.

Ideál liu atu forma governu foun, tuir Horta, Partidu CNRT lidera husi Xanana Gusmão mak bele halo koligasaun foun atu hakotu impase polítika.

Posibilidade atu hakotu impase polítika loke dalan ba partidu polítiku sira ne'ebé iha asentu parlamentár atu buka malu, husi bankada hitu hanesan FRETILIN kadeira 23, CNRT (21), PLP (8), KHUNTO (5), PD (5), UDT/Frente-Mudansa (2) no PUDD (1). Sira ne'e presiza tuur hamutuk atu hamosu maioria absoluta, mínimu kadeira 34.

Husi atribuisaun kadeira, posibilidade partidu boot rua atu lidera koligasaun foun maka FRETILIN no CNRT.

Enkuantu, José Ramos Horta hanesan mediadór prinsipál deklara, solusaun di'ak maka CNRT ne'ebé lideradu husi Xanana Gusmão mak tenke halo koligasaun foun no lidera IX Governu, ne'ebé kompostu husi Partidu CNRT, PD, KHUNTO, UDT/Frente-Mudansa no PUDD ho kadeira 34.

"Di'ak liu koligasaun lideradu husi CNRT no CNRT rasik buka ko'alia mós ho PLP no FRETILIN. Karik partidu rua ne'e mós hakarak hola parte hanesan mós inkluzaun, mezmu la'ós koligasaun maibé bele kontribui kuadru polítiku ne'ebé potensia hodi envolve iha governasaun CNRT nian", dehan José Ramos Horta, ba www.tempotimor.com, iha nia knaar fatin, Farol, Segunda (17/2).

Karik iha koligasaun seluk maka lidera governu foun, eis prezidente da republika ne'e adianta katak Xanana Gusmao iha posibilidade bo'ot rejeita kontinua lidera projeitu multi miliaun ate bilaun Dollar Ameriku, tasi mane no negosiasaun ho Indonesia relasiona ba Fronteira Tasi no rai entre Timor Leste no Indonezia.  Horta rasik konfiansa 100% ba Xanana nia-vizaun matenek no husu atu keta haluha knaar ne'ebé daudaun ne'e Xanana asume.  Úniku pesoál iha rai ne'e ho esperiensia no autoridade kaer projetu tasi mane para avansa ba oin ho fronteira terrestre no marítima.

"Ne'e úniku no ha'u koñese prosesu 100% no ha'u hatete la'ós fasil. Difisil no kompleksu.  Entaun, di'ak liu ita labele intrope fali ho eleisaun antesipada. Di'ak liu husik CNRT kontinua lidera koligasaun foun tanba falta de'it tinan rua ho balun," tenik nia.

Bainhira husu kona-ba posibilidade FRETILIN mak lidera hodi forma Governu ida karik eis Ministru Negosiu Estranjeiru bele husu CNRT mos kontribui , Horta hatete, bele de'it, maibé presiza koligasaun forte, pelumenus kadeira 34.

Maibé, Horta rasik fiar katak, FRETILIN nia kontribusaun ba estabilidade polítika hatudu ona iha tinan naruk laran no konsidera FRETILIN sei lakohi monu ba situasaun polítika atuál.

"Sekretáriu Jerál FRETILIN Alkatiri ema ne'ebé sentidu estadu, nia la'ós estadista radikál ida no FRETILIN hatudu ona tinan lubuk ida nia-laran. Iha tinan hirak mai ne'e FRETILIN mos kontribui makaas ba hametin dame iha rai ne'e," dehan Horta.

Nia hatutan, bainhira FRETILIN mak lidera koligasaun foun, entaun ikus mai presesaun publiku hatete, durante krize polítika ne'e mosu husi Prezidente Repúblika para atu fó FRETILIN mak ukun.

"Klaru! Se FRETILIN mak hetan koligasaun maioria absoluta, CNRT mos prontu! Problema hotu-hotu hatene mak ne'e Prezidente (Repúblika) nia kredibilidade bele impaktu tan.  Entaun buat hotu (impase) ne'e akontese só para fó de'it fatin ba FRETILIN," deklara Horta.

Nia hatutan, seidauk bele fó resposta konkretu senáriu ne'e. Só FRETILIN konsege hetan maioria absoluta para forma Governu tanba pelumenus hetan kedeira 34.

Entertantu, Ramos Horta mós fó atensaun Prezidente Repúblika tenke simu membru na'in hitu (7) husi CNRT no na'in rua (2) husi KHUNTO ne'ebé antes ne'e pondera.  Nune'e, solusiona problema ne'e. Tanba rejeisaun ba ema nain sia (9) ne'e maka kauza husi krize polítika ne'e dada naruk to'o ohin loron.

Tuir nia, Prezidente Repúblika tenke sukat opsaun husi maun Xanana. Di'ak liu sukat ho kakutak ho korajen. Fó pose entaun impase rezolve ona, se lae krize kontinua nafatin.

"Prezidente (Repúblika) labele interfere buat hotu-hotu. Se Prezidente interfere di'ak liu ita ba sistema prezidensialista hanesan sistema Amérika ho Indonézia nian," tenik Horta. (*)

Rate this item
(2 votes)
Last modified on Tuesday, 18 February 2020 08:04
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter