SEA sei Implementa Projetu Nagoya Protokolu Ho Rihun $1.319

Sekretariu Estadu Ambiente, Deometrio Amaral de Carvalho Sekretariu Estadu Ambiente, Deometrio Amaral de Carvalho Foto Midia SEA

Tempotimor (Dili)-Sekretariu Estadu Ambiente (SEA) sei implementa projetu nagoya protokolu ho montante orsamentu rihun $3,250 hodi proteze rikusoin jenetiku no dezenvolve alterasaun klimatiku.

Sekretariu Estadu Deometrio do Amaral de Carvalho hatete, projetu Nagoya protokolu ne'e ho objetivu atu regula asesu no uza sustentabilidade rekursu jenetika nasaun nian hanesan ai-horis animal no mikro-organismu.

"Orsamentu hirak ne'eé apoiu ba governu Timor Leste total $3,250.000 no osan ne'e mai husi GEF $1,319,863 no restu ne'e mai husi in-kind kontribution parseiru implementador sira hanesan SEA, CCCB/UNTL, MAF, CI no seluk tan," dehan Deometrio iha edifisiu SES Mandarin Dili, Sesta (14/02).

Sekretariu estadu ne'e hatete, protokolu nagoya ne'e hanesan instrumentu ka meiu ida, tanba ne'e Timor Leste mós presiza duni atu implementa hodi proteze ba direitu espesie sira iha tempu oin mai.

Ho nune'e SEA espera katak, liu husi implementantasaun projetu ida ne'e bele proteze rikusoin jenetiku sira no bele garante ba dezenvolvimentu politika alterasaun klimatika.

Rate this item
(0 votes)
Last modified on Saturday, 15 February 2020 14:20
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.