Reprezentate ONU, Roy Trivedy hateten, relasiona ho virus Corona ne'ebe dadaun espalla ona iha mundu, ONU esforsu servisu hamutuk ho Timor-Leste, liuhusi estabelese task force hodi bele prevene ba moras virus Corona.
"Iha nivel globál tomak 45. 000 kazu virus Corona", dehan Roy Trivedy, iha Palásiu Governu, Kinta (13/2).
Ekipa ne'ebé kria sei estabelese iha kada ministériu atu bele fahe informasaun kona-ba halo prevensaun ba virus Corona ne'ebe fó risku boot ba ema-nia vida.
"Ohin hasoru Primeiru Ministru, Taur Matan Ruak, ko'alia kona-ba estabelese task force hodi kontra virus Corona iha Timor-Leste", tenik nia.
Asuntu ne'e, primeiru ministru mós konsidera para bele estabelese task force iha kada ministériu. (*)
Ema 45.000 Konfirmadu Virus Corona, TL Kria Ekipa Task Force
Koordenador Residencia ONU iha Timor Leste, Roy Trivedy hasoru malu ho Primeiru Ministru Taur Matan Ruak iha palasiu do Governu
Foto Arkivu Midia PM
Tempotimor (Dili) - Dadus iha mundu tomak hatudu ema na'in 45.000 konfirmadu hetan virus Corona. Nune'e, iha Timor-Leste, governu kontinua servisu hamutuk ho Organizasaun Nasoins Unidas (ONU) hodi halo vizilansia.
Tempo Timor
Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.
Jornalista Jornal Tempo Timor, bandu atu hetan envelope ka sasan ruma husi fontes informasaun sira.
www.tempotimor.com
