Print this page

Horta : Opsaun Tolu ba Hakotu Impasse Politika

By February 14, 2020 4383
Eis Prezidente da Republika, Dr. Jose Ramos Horta hasoru malu ho Prezidente da Republika, Dr. Francisco Guterres Lu Olo iha palasiu Prezidensial (14/2) Eis Prezidente da Republika, Dr. Jose Ramos Horta hasoru malu ho Prezidente da Republika, Dr. Francisco Guterres Lu Olo iha palasiu Prezidensial (14/2) Foto Midia PR

Tempotimor(Dili)-Laureadu Nobel da Paz José Ramos Horta ne'ebé hetan fiar husi Prezidente Repúblika Francisco Guterres Lu Olo atu sai mediadór hodi hakotu impase politika iha Timor Leste oferese opsaun tolu.

Obsaun dahuluk ne'ebé eis Prezidente Repúblika ne'e iha mak bloku Aliansa Mudansa ba Progresu AMP kontinua eziste.

"AMP kontinua re-organiza, re-estrutura, konforme sira-nia hakarak, mais ne'e parese ke Taur Matan Ruak la interesante ona," dehan Horta hafoin hasoru-malu ho PR Lu Olo iha palasiu prezidensial Bairo-pite, Sesta (14/02).

Opsaun tuir mai, Horta dehan, partidu boot rua, FRETILIN no CNRT, idaidak bele lidera koligasaun foun.

"FRETILIN bele lidera fali kolegasaun foun ida aprezenta ba Prezidente (Repúblika), CNRT bele lidera koligasaun foun ida entrega ba Prezidente, ke garante maioria absoluta iha Parlamentu (Nasionál) par lao ba oin," dehan nia.

Bainhira opsaun rua ne'e la konsege hala'o, Horta iha opsaun ikus ne'ebé bele mós konsidera.

Opsaun ne'e mak presiza kria paktu nasionál ida hodi garante funsionamentu governu to'o ninia mandatu remata.

"Prezidente (Repúblika) i ami hotu hakarak tenke iha paktu nasional ida ke garante governu foun ne'e pelumenus serbisu di'ak to'o 2023," dehan nia.

Rate this item
(3 votes)
Last modified on Friday, 14 February 2020 14:38
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items