"Hau hanoin nee normal, kuandu ita foin primeira-vés servisu hamutuk nee sempre iha problema sira hanesan nee", dehan nia, iha Palasiu Prezidensial Bairru-Pite, Kinta (22/11).

Drklarasaun ne'e Xefe Governu hasai hodi responde kona-ba problema 'hadau-malu' poder entre membru Governu husi PLP no partidu KHUNTO iha estrutura Governu nia laran.

Maski nune'e, PM Taur husu nafatin ba estrutura sira atu kontinua solidu. Tanba membru Governu sira ne'e hanesan ekipa ida ne'ebe presiza iha kooperasaun servisu ba malu.

Nia hatutan, atu servisu hamutuk nu'udar ekipa ne'e presiza lori tempu, tanba objetivu prinsipal husi Governu nian maka oinsa atu dezenvolve nasaun ne'e.

Xefe Governu espera problema hirak ne'e labele sai razaun para impede sira nia atividade normal Orgaun Ezekutivu nian, tanba ne'e responsabilidade neebé iha relasaun ho nasaun no sidadaun sira.