Tempotimor (Dili)-Tuir obsaun prezidente republika Fransisco Guteres Lu-olo atu partidu politiku sira ne'ebe asentu iha parlamentu nasional, atu forma governu ne'e partidu Fretilin mak iha kompetensia hodi buka partidu sira seluk.
Akademista universidade nasional Timor lorosa'e (UNTL) Camilio Ximenes hatete, Partidu politika sira ne'ebe asentu iha parlamentu nasional buka malu forma governu ne'e partidu Fretilin mak iha kompetensia atu buka partidu sira seluk par bele forma governu Foun, tanba Fretilin mak sai partidu segundu mais votadu.
"Partidu Fretilin mak segundu mais votadu, tanba ne'e nia mak tenke buka aliadu duni," dehan Camilo iha kampuz fakuldade siensia sosiais kaikoli dili, kinta (13/2).
Akademista ne'e relata, Prezidente Republika (PR) Fransisco Guteres Lu-olo atu fo ba partidu segundu mais votadu tenke fo tempu ne'ebe targetu katak, fo tempu Fretilin buka nia aliadu minimu semana rua no masimu fulan ida.
Nune'e kuandu liu fulan ida ba ona elisaun antisipada par bele hakotu lalais impase politika, labele dada naruk fali imapse ne'e depois povu ki'ik mak sai vitima.
