Porta-vós MAL, Rosito Guterres hateten, hato'o nia pontu-de-vista rekomendasaun bazeia ba obervasaun hotu-hota durante ne'e ba substánsia tolu.
Ba dahuluk, nia dehan, nu'udar sosiedade apoiu no fó konflansa tomak ba Prezidente Repúblika hodi bele aposta solusaun di'ak ba situasun polítika, sosiál no ekonomia rai-laran.
Daruak, hato'o prekoupasaun husi rezultadu diskusaun Movimentu Asukai Lorosa'e ho entidade sira hanesan, veteranu, eis-FALINTIL, jerasaun saudozu sira nian, intelektuál sira, joventude no sidadaun sira kona-ba impase polítika ne'ebé fó impaktu ba kondisaun sosiál, estabililidade seguransa, ekonomia no dezenvolvimentu.
Sira sujere ba Xefe Estadu atu hakotu impase polítika ne'e dalan di'ak liu maka hamosu konjuntura polítika nasionál foun.
Ikus liu, rekomendasaun MAL nian maka diálogu ne'ebé Prezidente Repúblika toma ne'e lejitmu, tanba ne'e fiar metin katak rezultadu diálogu ne'e bele hamosu desizaun ida hodi harii govenasaun ida sustentavél ho postura kualifika no inkluziva ho vizaun foun, la'ós liuhusi dalan eleisaun antesipada.
Entertantu Prezidente Repúblika kontinua halo diálogu ho entidade hotu-hotu no tuir oráriu diálogu sei kontinua ho lider nasionál sira ne'ebé sei realiza, iha Segunda (10/2). (*)